Seksjonsleiar Geodata 2

Avdeling Transportutvikling har ansvaret for å utvikle, drifte og forvalte digital infrastruktur for nasjonale veg- og transportdata.

Avdeling Transportutvikling har ledig stilling som seksjonsleiar for Geodata 2, med kontorstad i Stavanger eller Bergen. Ved spesielt kvalifiserte søkarar kan anna kontorstad på Vestlandet eller Sørlandet vurderast. Stillinga rapporterer direkte til avdelingsdirektør. Noko reiseaktivitet må påregnast.

Vi er på jakt etter ein dyktig, innovativ seksjonsleiar som motiverer og inspirerer. Er dette deg? Ja, då er du kanskje den vi ser etter.

Arbeidsoppgåver

Vi søker deg som har evne til å motivere, inspirere og utvikle medarbeidarane. Du bør ha gode kommunikasjonsferdigheiter, kunne ta ansvar og delegere oppgåver. Du evner å tenke strategisk og sette langsiktige mål.

Som seksjonsleiar for Geodata 2 vil du:

• Følge opp og leie seksjonens tilsette
• Bygge sterke relasjonar internt og eksternt og bidra til samhandling og innovasjon på tvers
• Sikre utviklinga av ein framtidsretta infrastruktur for den digitale vegen
• Bidra aktivt til nasjonal og internasjonal standardisering og europeisk samordning innan domenene Nasjonal vegdatabank (NVDB), geografiske informasjonsmodellar (GIS) og intelligente transportsystem (ITS)
• Rapportere på området, internt og eksternt

Leiing i Statens vegvesen

Som leiar i Statens vegvesen forventes det at du følgjer leiarprinsippane våre – vårt felles kompass for godt leiarskap:

• Sett retning – eg ser framover, varetek heilskapen og viser veg.
• Ver til stades – eg lytter, tek vare på medarbeiderane og motiverer til innsats.
• Skap saman – eg er drivkraft for samarbeid og deling. Eg gjer det trygt å utforske nye moglegheiter.

Prinsippa byggjer på våre verdiar og gir retning for korleis vi leier, samhandlar og utviklar oss – både som enkeltleiarar og som organisasjon.

Kvifor skal du velje oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av eit landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling - både for deg sjølv og for oss.

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Faglig påfyll – mange moglegheiter for kurs og vidareutdanning.

Lønna di blir avtalt i samsvar med lønnspolitikken vår.

Kvalifikasjonskrav

Vi krev relevant høgare utdanning på universitets- eller høgskulenivå, minimum 3 års høgare utdanning, eksempelvis innan leiing og/eller geodata. Relevant erfaring kan kompensere for manglande formell utdanning. Du må og ha I tillegg ser vi etter deg som har:

• Erfaring med leiing og endringsprosessar
• Kompetanse innan fagområdet
• Samarbeidsevne og formidlingsevne – på tvers av både tekniske og ikkje-tekniske miljø
• Har god dømmekraft, er sikkerheitsmessig skikka, påliteleg og lojal.
• Evne til å kommunisere godt både skriftleg og munnleg på norsk, både ein til ein, til grupper og forsamlingar

Videre ønsker vi at du:

• Er handlekraftig med stor gjennomføringsevne
• Er utprega kundefokusert og resultatorientert

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR (https:hkdir.no/utdanning-fra-utlandet).

Om søknadsprosessen

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finner den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling.

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Sted: Bergelandsgata 30, Stavanger