Rådgjevar naturmangfald

Som rådgjevar innan naturmangfald skal du ivareta fagfeltet i alle prosjekttypar frå tidlegfase via planfasane og byggefase til drift- og vedlikehald. Fagfeltet omfattar alle aktuelle problemstillingar knytt til naturmangfald, med stor vekt på vurderingar knytt til naturtypar, forvaltningsrelevante artar og landskapsøkologiske funksjonar. Temaet omfattar både land, fersk/brakkvatn og marine system.

Du skal bidra til utarbeiding av teknisk beskrivelse for aktuelle tiltak i samsvar med prosesskode og gje innspel til plankart, føresegner og planskildring til reguleringsplan. Du skal også utgreie naturmangfald i alle planfaser, inkludert alternativsøk, verdi- og sårbarheitsanalyser. Andre oppgåver er konsekvensutgreiing etter handbok V712 i eigen regi eller kvalitetssikring av utgreiingar utført av konsulent, samt bidrag til YM-planar og miljørisikovurderingar.

Naturfagleg rådgjeving/vurderingar knytt til ureining og tiltak sin påverknad på vassmiljø, miljøoppfølgingsprogram og før- og etterundersøkingar inngår også i arbeidet.

Du får delta i tverrfaglege prosjektgrupper, og bidra til å engasjere og følgje opp eksterne rådgjevarar. Du skal bidra i mange prosjekt, og vil få varierte og spennande arbeidsoppgåver i ein hektisk arbeidskvardag.

Mykje av arbeidet skjer i fellesskap med andre, og vi jobbar mykje digitalt i prosjekta. Du må rekne med noko reiseaktivitet, men stillinga er i hovudsak ein kontorjobb.

Stillinga kan lokaliserast i Bergen, Leikanger, Lillehammer, Moss eller Bodø. Andre kontorstadar der vi har medarbeidarar kan og vere aktuelle, ta kontakt for meir informasjon.

Teknisk planlegging er del av fagressursavdelinga på divisjon Drift og vedlikehald. Vi er landsdekkande med 48 medarbeidarar fordelt på 14 kontorstader. Fagområda våre er veg, VA/dren, landskap, grønt, kulturarv, naturmangfald og planleggingsleiing.

Vi ser etter deg som har:

• Minimum 3 års relevant utdanning frå universitet eller høgskule med relevant fagområde for stillinga. Relevante fagområder kan omfatte fleire retningar innan biologi, økologi og naturforvaltning.
• Særleg relevant erfaring kan kompensere for utdanningskrav
• Kunnskap til prosessane for planlegging etter plan- og bygningslova med tilhøyrande relevante forskrifter
• Gode norskkunnskapar, skriftleg og munnleg
• Førerkort kl. B

Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).

Ønska relevant kompetanse:

• Digital kompetanse. Aktuell programvare er f.eks. Gisline, ArcGIS, Trimble connect

Det vil også bli lagt vekt på:

• At du kan jobbe sjølvstendig
• Praktisk og strukturert tilnærming til oppgåveløysing
• Gode samarbeidsevner og at du kan bidra til eit godt arbeidsmiljø
• At du er lærevillig og har interesse for å dele kunnskap vidare
• At du er fleksibel, tek initiativ og er open for nye utfordringar

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Krav til søknaden

Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Positiv særbehandling

Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Kontakt seksjonssjef Torill Felde; tlf. 971 40 861 eller seksjonssjef Britt-Laila Jensen; tlf. 480 39 185