Rådgivere

Norconsult er det største rådgjevarmiljøet i landet og tenestene våre er retta mot samfunnsplanlegging, prosjektering og arkitektur. 

I Hardanger og på Voss har Norconsult ei sterk, tverrfagleg rådgjevargruppe med om lag 50 medarbeidarar. Vi har kontor i Odda, Rosendal, Norheimsund, Eidfjord og på Voss. Vi utfører tenester innan samfunns- og arealplanlegging, veg- og trafikk, arkitektur, VA, støy/akustikk, VVS, elektro, landmåling/scanning, geoteknikk, ingeniørgeologi, industri/maskin, miljø, konstruksjon, bygg- og anlegg, byggesak/SØK og prosjektadministrasjon.

Vi utfører oppdrag for kommunar, statlege myndigheiter, private entreprenørar, grunneigarar og utbyggjarar. Det at me er tilstades lokalt, gjer at me forstår dei lokale behova og me tek fatt på oppgåvene med ei tverrfagleg og heilskapeleg tilnærming samstundes som me har Norconsult si breie erfaring og tyngde i ryggen. Dette sikrar både kvalitet, innovasjon og framtidsretta val. Oppdraga vert gjennomførte på kryss og tvers internt i Hardanger- og Voss regionen, men også i tett samarbeid med andre kontor og avdelingar i heile Norconsult. Avhengig av bakgrunn og erfaring vil du kunne jobbe på store tverrfaglege prosjekt, men også i mindre, lokale oppdrag.

Me har høge ambisjonar og ideal innan berekraft, digitalisering og samarbeid, og vert inspirerte av å kople det saman med kundane sine behov. På denne måten legg me grunnlaget for å koma fram til den optimale leveransen for det aktuelle prosjektet. Me finn løysningar gjennom samskaping og bruk av digitale verktøy, og er leiande innan gjennomføring av heildigitale og teikningslause prosjekt. Å utvikle eit berekraftig samfunn krev engasjement og samarbeid. Det er ein del av kvardagen for oss i Norconsult.

Den/dei som ønsker å vere med på laget vårt kan velgje kontorstad mellom kontora våre i Hardanger eller på Voss.

Uansett om du er nyutdanna eller erfaren, er du hjarteleg velkomen med din søknad!

Det er viktig at du grunngjev kvifor me skal satse på akkurat deg!

Hjå oss får du:

• Spennande kompetansehevings- og karrieremogelegheiter innan marknad, fag, linje og oppdrag
• Verdibasert samfunnsplanlegging med fokus på framtidsretta og berekraftige løysingar
• Sterk bedriftskultur og godt arbeidsmiljø prega av uformelle kommunikasjonslinjer på tvers av organisasjon og geografi
• Er du i kategorien «yngre medarbeidar» vert du invitert med i eit fora med direkte tilgang til toppleiinga i konsernet (Yngres Råd)
• Ordning for deling av overskotet der alle tilsette får direkte utbytte av resultatet i selskapet
• Gode løns- og arbeidsvilkår
• Fleksibel arbeidstid
• Interne fagsamlingar/fagnettverk, ulike sosiale arrangement, bedriftshytter mv

Vi ser frem til å motta din søknad!

Vi gjør oppmerksom på at det kun er elektroniske søknader som blir behandlet.