Kontrollingeniør

Kontrollingeniør TOG vest

Utbyggingsområde Vest har ledige stillingar som kontrollingeniørar og søkjer etter personar med kompetanse innan veg og tunnel, og som vil jobbe med gjennomføring av tunneloppgraderingsprosjekt på riks- og stamvegnettet. Stillingane er knytte til Tunneloppgradering Vest.

Kontorstad vil vere prosjekta sine anleggskontor, men kan også i periodar vere knytte til prosjektkontoret i Fyllingsdalen i Bergen. Stillingane kan omfatte turnus og nattarbeid.

Prosjekta som i første omgang er aktuelle:

E39 Bogstunnelen som ligg nord for Sognefjorden. Tunnelen har ei lengd på om lag 3,5 km og skal oppgraderast etter krav i tunnelsikkerheitsforskrifta. Prosjektkontoret ligg i Vadheim. Til Bogstunnelen søkjer vi etter kontrollingeniørar innan fagområda veg og tunnel.

E16 Dalevåg – Hernes. Prosjektet er i anleggsfasen og omfattar 5 tunneler med ei samla tunnellengd på om lag 6 km. Prosjektet vil i tillegg få ansvar for tiltak i andre tunneler på E16 og rv.7 i Måbødalen. Prosjektkontoret er på Dale. Til dette prosjektet søkjer vi etter kontrollingeniør innan fagområdet elektro.

Arbeids- og ansvarsområde

Som kontrollingeniør har du ansvar for utarbeiding av kontrollplanar, oppfølging av entreprisar og kontraktar, og følgje opp krav til dokumentasjon og informasjon.

Vidare vil sentrale oppgåver vere:

• utføre kontroll og oppfølging av kontraktsarbeid med fokus på funksjonskrav, teknisk kvalitet, SHA, mengder og målebrev
• delta i utarbeiding av konkurransegrunnlag for nye oppdrag
• delta i byggemøte etter behov
• medverke i utarbeiding av K-HMS planar
• modellbasert oppfølging
• oppfølging av klimatiltak
• rapportering/føre dagbok
• leggje kontrollresultat inn i vårt kvalitetssystem

Kompetansekrav

• minimum 3 års utdanning frå universitet eller høgskule med relevant fagkrins
• gode kunnskapar i bruk av IKT-verktøy
• god skriftleg og munnleg framstillingsevne på norsk
• førarkort klasse B

Vi vektleggjer kompetanse og relevant erfaring innan fagområda veg, tunnel og elektro.

Omfattande og relevant erfaring, og gode personlege føresetnader for stillinga, kan kompensere for manglande formell utdanning.

Personlege eigenskapar som vil bli vektlagt:

• sjølvstendig og strukturert
• gode samarbeidsevner i eit tverrfagleg fellesskap
• gode kommunikasjonsevner
• nøyaktig og kvalitetsbevisst
• god gjennomføringsevne

Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Krav til søknaden

Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Positiv særbehandling

Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Nærare opplysningar om stillinga kan du få ved å kontakte prosjektleiar Stig Berg-Thomasse mobil +47 975 83 988

stig.berg-thomassen@vegvesen.no