Fagingeniør trafikkteknikk og arbeidsvarsling

På avdelinga Transport vest, Transport og samfunn, vi 56 tilsette. Avdelinga er delt inn i fire seksjonar: Utgreiing, Transportforvaltning 1, Transportforvaltning 2, Transportforvaltning 3 og ein stab.

Transportforvaltningsseksjonen har ansvar for å styrke Statens vegvesen som den fremste samfunnsaktøren innan veg og vegtransport regionalt og lokalt. Vi behandlar saker etter veglov, vegtrafikklov og plan- og bygningslov.

Vi søkjer deg som ønskjer å bidra til at tryggleiken og effektiviteten i vegsystemet er så høg som mogleg. Du tek avgjersler som folk legg merke til i kvardagen, og du vil oppleve at mange er engasjerte i det arbeidet du gjer. Du vil bli del av eit godt arbeidsmiljø med godt kvalifiserte medarbeidarar som dekker ulike fagområde innan seksjonen sitt ansvarsområde.

Vi søker etter 2 nye medarbeidarar, med ein stilling tilknytt kontorstad Bergen eller Stord, og ein stilling tilknytt kontorstad Leikanger eller Førde.

Arbeidsoppgåver

• Behandle permanente skilt- og oppmerkingsplanar
• Trafikktekniske reguleringar på eksisterande og nytt vegnett
• Gje råd i interne og eksterne trafikktekniske spørsmål, og gje formell uttale til saker etter veglov, vegtrafikklov og skiltforskrift
• Vurdere og godkjenne planar for arbeidsvarsling på riks- og fylkesvegnett
• Lokalt og regionalt trafikktryggingsarbeid.
• Andre oppgåver innan ansvarsområdet til seksjonen kan også vere aktuelt ut frå behov til seksjonen og interessefelt til medarbeidar.

Basert på din kompetanse og seksjonane sitt behov, kan vi tilpasse stillinga innanfor dei nemnde oppgåvene.

Kompetansekrav

Du må ha:

• Minimum treårig høgare relevant utdanning frå universitet eller høgskule. Relevant utdanning kan eksempelvis vere ingeniør innan veg og trafikk. Omfattande og relevant erfaring innan veg og trafikk kan kompensere for manglande formell utdanning
• Kompetanse og interesse for digitale verktøy
• God munnleg og skriftleg framstillingsevne på norsk
• Førarkort klasse B, på grunn av noko reiseverksemd

Nyutdanna innan fagfelta veg og trafikk oppfordrast også til å søkja.

Det er ønskjeleg med erfaring innan:

• forvaltning og samferdsel frå offentleg eller privat sektor
• fagområde trafikkteknikk
• digitale løysingar

Personlege eigenskapar:

Vi legg vekt på at du

• har stort engasjement for faget og ønskjer å formidle dette til andre
• har evne til å ta initiativ, vere løysingsorientert og jobbe sjølvstendig
• har evne til å sjå heilheita i trafikksystemet
• kan samarbeide og er aktivt med på å skape eit godt arbeidsmiljø
• har evne til å handtere innspel og engasjement frå dei partane sakene gjeld
• er sikkerhetsmessig skikka, har god dømekraft, er påliteleg og lojal

Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Testar og bakgrunnssjekk

Vi bruker arbeidspsykologiske testar for å vurdere kandidatars eigenskapar, ferdigheiter og kvalifikasjonar for stillinga. Desse testane bidreg til å sikre ei rettferdig og objektiv vurdering av alle kandidatar, og dei hjelper oss med å finne den mest kvalifiserte personen for stillinga. Vi bruker også bakgrunnssjekk på utvalde stillingar for å verifisere og søkje etter informasjon som kan ha noko å seie for rekrutteringsprosessen.

Positiv særbehandling

Statens vegvesen verdset mangfald og ønskjer ein inkluderande arbeidsplass. Me oppmodar alle kvalifiserte kandidatar til å søkja. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.