Fagansvarleg ingeniørgeolog

Ønskjer du spanande faglege utfordringar og å være med på å drive bransjen vidare innan tunnelbygging? Då er dette jobben for deg!

Fellesprosjektet Arna – Stanghelle (FAS) er Noregs største tunnelprosjekt og eit samarbeidsprosjekt mellom Statens vegvesen og Bane NOR. Det skal byggast nesten 80 km tunnel som eit tunnelsystem for veg og bane. Prosjektet omfattar to nye jernbanestasjonar og nye kryssløysingar for veg i dagsonene. Byggestart for forberedande entreprisar var våren 2025, og byggjestart for første tunnelentreprise er planlagt hausten 2026. Prosjektet vil verte gjennomført med felles organisering, prosjektering og bygging av Statens vegvesen og Bane NOR.

Du finn meir informasjon om prosjektet her: Fellesprosjektet Arna – Stanghelle

Om stillinga

Fagansvarleg ingeniørgeolog i Noregs største tunnelprosjekt- Fellesprosjektet Arna - Stanghelle

Du vil ha det overordna faglege ansvaret for byggherrens kartlegging og fastsetjing av berg- og stabilitetssikring, samt injeksjonsarbeidet i anleggsfasen innanfor portefølje midt. Du vil ha ansvar for å bestille og følje opp utvida kontroll av sikringstiltaka og ha ansvar for utarbeiding av geologisk sluttrapport. Det vil også kunne bli behov for fagleg bistand i prosjektering av hovudentreprisane i prosjektet.

Du vil kunne fordjupe deg i dei geologiske forholda og følgje dei unike løysingane og forskingsprosjekta som er planlagde. Prosjektet har høge ambisjonar innan meir berekraftig tunnelbygging, særleg innan kontursprenging og vann- og frostsikring, så her har du ein unik moglegheit til å påverke og utvikle bransjen.

Kvifor skal du velja oss?

Som tilsett FAS blir du ein del av både Statens vegvesen og Bane NOR. Prosjektet har lang varigheit, 12-14 år.

Dette gjer ei unik moglegheit til å jobbe for to av Noregs største byggherrar samstundes. Her vil du påverke samfunnsutviklinga til eit svært etterlengta samferdselsprosjekt, der vi skal prosjektere og bygge både ny veg og bane i eit skredfarleg område. Som tilsett i Statens Vegvesen vil du bli teke godt imot, og du blir ein del av eit fellesskap.

Vi tilbyr deg også desse goda:

• Ei viktig, utfordrande og ansvarsfull rolle i et svært spennande prosjekt.
• Ansvar og fagleg oppfølging, hos to av Norges største byggherrar samtidig.
• Et sterkt fagleg nettverk i SVV og Bane NOR med gode moglegheiter.
• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Fagleg påfyll – mange moglegheiter for kurs og vidareutdanning.
• Meir om gode som tilsett på våre nettsidar: Ansattgoder | Statens vegvesen
  

Arbeidsstad er Bergen sentrum men vil være anleggskontor i Arna når dette er etablert.

Heimekontor etter nærmare avtale. Lønna di blir avtalt i samsvar med lønnspolitikken vår.

Kvalifikasjonskrav

Du må ha:

• 5-årig ingeniørutdanning innan bergteknikk. Ved særleg relevant og lang erfaring, kan utdanningskravet fråvikast
• Erfaring frå tilsvarande rolle
• Stillinga krev førarkort klasse B
• Du har god norsk skriftleg formidlingsevne

Du kjennar deg også igjen i fleire av desse punkta:

• Lang erfaring med tunnelarbeid frå byggherre-, rådgjevar eller entreprenør
• Du brenner for faget og ser på utfordringar som moglegheiter for utvikling
• Du er oppteken av godt samarbeid og har gode kommunikasjonsevner
• Du er komfortabel med å jobbe på digitale plattformer

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR: Godkjenning av utenlandsk utdanning – jobb i Norge | HK-dir

Vi vektlegg motivasjon og engasjement for stillinga og samfunnsoppdraget vårt.

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling.

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.