Byggeleiar Vegvedlikehald

Vi søkjer byggeleiar/ingeniør for vedlikehaldskontraktar på fagområde vegvedlikehald. Stillinga er plassert i seksjon for vedlikehald, Drift og vedlikehald midt, som har ansvar for å planleggje og gjennomføre vedlikehaldsprosjekt på riks- og europavegnettet i vårt geografiske område. Vi har ansvaret for vegvedlikehald i området og tilbyr eit sterkt og veksande fagmiljø med fleire og varierte arbeidsoppgåver i eit triveleg og inkluderande arbeidsmiljø. Hovudoppgåva i stillinga er å identifisere, planleggje, prosjektere, utarbeide og følgje opp kontraktar i samband med vegvedlikehald i område midt.

Dette inneber blant anna

• Vedlikehaldsplanlegging på vegområdet for å lage grunnlag for 4-årige vedlikehaldsplanar
• Følgje opp trafikksikkerheitsrapportar med tanke på veg i området og ta dette med inn i vedlikehaldsplanen
• Utarbeide konkurransegrunnlag og gjennomføre anbodsprosessar
• Oppfølging av kontraktsarbeidet til entreprenøren med fokus på økonomi, kvalitet, SHA/YM og framdrift
• Sørgje for god dialog og samarbeid med aktuelle interne og eksterne aktørar
• Handtering av media

Kontorstad for stillinga er Ålesund eller Molde.

Drift- og vedlikehaldsdivisjonen i Statens vegvesen har ansvar for heilårleg drift av riksvegane, inkludert tilhøyrande ferjestrekningar. Vi held ved like og utviklar vegnettet, og vi planlegg og gjennomfører utbetringsprosjekt. Divisjonen har rundt 880 medarbeidarar, og i 2024 omsette vi for meir enn 17 milliardar kroner til trafikktryggleik og framkome - til det beste for kundar og samfunnet.

Kompetansekrav

Vi ser etter deg som

• har minimum 3-årig utdanning frå universitet eller høgskule innan relevant fagområde. Omfattande og relevant erfaring kan kompensere for manglande formell utdanning.
• har førarkort kl. B
• er god til å formulere deg skriftleg og muntleg på norsk har solid digital kompetanse

Vi ønskjer at du har lang kompetanse og erfaring frå å bygge eller vedlikehalde veginfrastrukturar. Vi legg stor vekt på personlege eigenskapar og ønskjer at du er strukturert, engasjert, løysings- og samarbeidsorientert, og bidreg til eit godt arbeidsmiljø.

Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Testar og bakgrunnssjekk

Vi bruker arbeidspsykologiske testar for å vurdere kandidatars eigenskapar, ferdigheiter og kvalifikasjonar for stillinga. Desse testane bidreg til å sikre ei rettferdig og objektiv vurdering av alle kandidatar, og dei hjelper oss med å finne den mest kvalifiserte personen for stillinga. Vi bruker også bakgrunnssjekk på utvalde stillingar for å verifisere og søkje etter informasjon som kan ha noko å seie for rekrutteringsprosessen.

Positiv særbehandling

Statens vegvesen verdset mangfald og ønskjer ein inkluderande arbeidsplass. Me oppmodar alle kvalifiserte kandidatar til å søkja. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Kontakt leiar Johnny Andre Skår, tlf. 48173292.