Byggeleiar automasjon

Vi ønskjer å forsterke avdelinga med ein byggeleiar for automasjon slik at vi kan betre støtte drifta av våre tekniske anlegg i seksjon og avdeling. Stillinga er knytt til avdeling Drift og Vedlikehald vest, seksjon Drift vest 1.

Du vil samarbeide tett med elektromiljøet i seksjonen, og vere ein del av byggherregruppene til elektrokontrakt DK 9352 Bergen og DK 9353 Hardanger & Sogn, der du vil bidra til oppfølging av driftskontrakt innan ditt fagområde. I tillegg vil du støtte øvrige elektrokontraktar i avdelinga basert på din fagkompetanse.

Du skal samarbeide tett med øvrige automasjonspersonell i avdelinga og i etaten for å sikre godt samarbeid og koordinering av fagfeltet. Du vil vere ein viktig fagleg støtte for fagansvarleg elektro og for tunnelforvaltarane i seksjonen. Kontorstad kan vere Bergen, Odda, eller Voss.

Vidare vil dine arbeidsoppgåver bestå av:

• Sørge for god drift og vedlikehald av elektriske installasjonar i tunneler og veganlegg.
• Styring av belysning og ventilasjon i tunnelar, stengepunkt som vegbom, variable skilt og stoppsignal.
• Bistå med løysingar for radioanlegg med styring av radioinnsnakk, videoovervaking og hendingdeteksjon.
• Planlegge og delta i testing av anlegg.
• Bidra i overlevering av nye anlegg til drift.
• Ta del i kartlegging, planlegging og anbudsutarbeiding ved oppgradering og nye installasjonar.

Kompetansekrav

Relevant høgare utdanning frå universitet eller høgskole, minimum bachelornivå. For kandidatar med sterk og allsidig praksis frå fagområdet og gode personlege føresetnader for stillinga, kan kravet til utdanning fravikes. I tillegg ønskast relevant og allsidig praksis innan automasjon og elektro.

Det vil vere noko reiseverksemd, og førarkort klasse B krevst.

Vi ønskjer oss ein ny medarbeidar som har kunnskap og erfaring frå drift av elektriske anlegg og styringssystem; og det er ønskjeleg med kjennskap til og erfaring med TCP/IP-nettverk, PLS-system, SCADA/OPC-system, VMS (Milestone).

Interesse for innovasjon, digitalisering og bruk av ny teknologi er ønskjeleg.

Me vil også leggja vekt på:

• At du arbeider sjølvstendig.

• At du har ein praktisk og strukturert tilnærming til oppgaveløysing.

• Har gode munnlege og skriftlege framstillingsevner på norsk.

• Har gode samarbeidsevner, samt bidrar til eit godt arbeidsmiljø.

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Krav til søknaden

Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Positiv særbehandling

Statens vegvesen verdset mangfald og ønskjer ein inkluderande arbeidsplass. Me oppmodar alle kvalifiserte kandidatar til å søkja. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Ta kontakt med seksjonsleiar Ole Endal Svåsand, ole.endal.svasand@vegvesen.no eller på telefon +47 477 01 924.