Byggekoordinator og planprosjektleiar

Utbyggingsområde vest lyser ut to stillingar:

• Byggekoordinator
• Planprosjektleiar

Stillingane er uavhengige av kvarandre, og du kan søkje på ei eller begge. Kontorstaden for begge stillingane er på Leikanger i Sogndal kommune.

Arbeidet til staben omfattar mellom anna teknisk rådgiving innan anleggsdrift, bistå i vurdering av konkurranseformer, vere med på kostnads- og kalkyle-arbeid, hjelpe til med budsjettering og
prognoseoppfølging på ulike tema slik som finansering og klima. Vidare syte for flyt i planprosjekt og i anleggsgjennomføring, i tillegg til å bidra til fokus med å utvikle fag innan vårt ansvarsområde.

Saman med dyktige og engasjerte kollegaer, skal staben bidra til gjennomføring av dei store vegutbyggingsprosjekta i Vestland og Rogaland fylker som Utbyggingsområde vest har ansvaret for.

Til dette søkjer vi deg som vil vere med å utvikle organisasjonen slik at vi kan møte krav til kompetanse og arbeidsmetodikk på ein open og implementerande måte. I tillegg skal du bidra til
at alle som er involvert i dei store prosjekta får nødvendig støtte og oppfølging.

Arbeidsoppgåver

Som byggekoordinator søker me ein person som har:

• Erfaring frå større infrastrukturprosjekt eller større anleggsprosjekt
• Erfaring med å lage anskaffelses- og kontraktstrategi, samt konkurransegrunnlag, for anleggs- eller byggeprosjekt
• Erfaring med kontraktsforhandlingar og/eller vurdering/tolking av kontraktsdokument
• Erfaring med å lage kostnadsoverslag og kalkylar
• Erfaring med og interesse av å kunne vere pådrivar for at klima og miljø blir endå betre vareteke i anleggsdrifta vår

Som planprosjektleiar søker me ein person som har:

• Erfaring med å leie prosessar med planlegging etter plan- og Bygningslova, spesielt for større infrastrukturtiltak
• Evne til å leie «eigne» planprosjekt der du får budsjettansvar for gjennomføringa
• Kjennskap til vegnormalane og Statens vegvesen sine handbøker elles
• Gode kommunikasjonsevner, spesielt i møtet med andre offentlege etatar, grunneigarar og andre partar som planlegginga råkar

Felles for begge stillingane:

• Bidra ved rapportering-, budsjett- og prognoseprosessar
• Bidra i arbeid og utvikling i regi av Utbyggingsdivisjonen
• Delta i arbeidsgrupper innan anleggsdrift, klima, berekraft, SHA mv, og bidra til utvikling av ny kunnskap og erfaring
• Tileigne deg ny kunnskap og formidle denne vidare til stab og prosjekt, og halde deg oppdatert på arbeid med digitalisering og endring
• Ha god IT-kunnskap på brukarnivå, med evne og interesse for å sette deg inn i nye system

Utdanning og eigenskapar:

• Relevant høgare utdanning frå høgskule/universitet, minimum 3 år. Omfattande og relevant erfaring innan dei aktuelle fagområda kan kompensere for manglande formell utdanning
• God skriftleg og munnleg framstillingsevne på nynorsk
• Gode samarbeidsevner og løysingsorientert haldning
• Personlege eigenskapar vert vektlagde ved tilsetjinga

Ein del reiseaktivitet må reknast med. Det meste innanfor Vestland og Rogaland, men og i mindre grad utanfor området vårt.

Kvifor skal du velja oss?

I Statens vegvesen blir du ein del av eit kompetent fagmiljø med stort spenn i arbeidsoppgåver og gode moglegheiter til personleg utvikling. Vi legg vekt på det tverrfaglege og samarbeid på tvers
av fagmiljøa. Du vil arbeide tett saman med styringsstaben i divisjonen, prosjektleiarar økonomar og andre fagfolk ute på vegprosjekta våre, i tillegg til å vere ein del av staben.

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Faglig påfyll – mange moglegheiter for kurs og vidareutdanning.

Lønna di blir avtalt i samsvar med lønnspolitikken vår.

Om søknadsprosessen

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling.

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.