Regionsjef - Region Vest

Hovudmåla for skred- og vassdragsavdelinga er å betre samfunnet si evne til å handtere flaum- og skredrisiko samt å bidra til heilskapleg og miljøvennleg forvalting av vassdraga. Eit viktig delmål er å redusere konsekvensane av flaum- og skredhendingar gjennom kartlegging, arealplanoppfølging, sikring, overvaking/varsling, krisehandtering, FoU og formidling.

Regionsjefen har ei viktig rolle som NVE si kontakt med lokale og regionale myndigheiter. Dette gjeld særleg innan NVE sitt hovudmål som er å betre samfunnet si evne til å handtere flaum- og skredrisiko. Regionsjefen sitt ansvar omfattar overordna ansvar for sikrings- og beredskapsarbeid i Vestland og Møre og Romsdal.

Vi søkjer leiar for regionkontoret i Region Vest med kontorstad i Førde. Kontoret har 38 medarbeidarar frå ulike fagseksjonar i NVE, der 19 medarbeidarar rapporterer direkte til regionsjefen. Regionsjefen inngår i skred- og vassdragsavdelinga si leiargruppe, og rapporterer til avdelingsdirektøren.

Arbeidsoppgaver

• leie det overordna arbeidet med flaum- og skredsikring i regionen
• leie beredskapsarbeidet innan naturfare i region vest
• representere NVE i relevante eksterne fora og samarbeide med regionale mynde
• innanfor naturfare vere samfunnskontakt mellom NVE og kommunane
• handtere førespurnadar frå media
• legge til rette for gode lokale arbeidsplassar og følge opp medarbeidarar på regionkontoret i samspel med aktuelle seksjonssjefar

Kvalifikasjoner

• høgare relevant utdanning frå høgskole/universitet på masternivå
• erfaring frå, eller god kjennskap til, offentleg forvalting
• solid leiarerfaring/prosjektleiarerfaring
• kommunisere og samhandle godt både internt og med lokale og regionale mynde, grunneigarar og publikum
• svært god munnleg og skriftleg framstillingsevne på norsk og engelsk
• førarkort klasse B

Det er krav om sikkerheitsklarering på nivå Hemmeleg (H) før tilsetting.

• du evner å leie fagleg sterke medarbeidarar
• du evner å leie ein organisasjon i utvikling og endring
• du er open og initiativrik
• du er strukturert, samlande og tenkjer heilheit
• du er handlekraftig, resultatbevisst og god til å ta avgjerder
• du er samarbeidsorientert og har stor arbeidskapasitet
• du likar å leie andre på ein empatisk og inkluderande måte

Det blir lagt stor vekt at søkjaren er personleg eigna

Som medarbeidar i NVE blir du del av eit sterkt og hyggeleg fagmiljø med eit viktig samfunnsoppdrag. Me er opptekne av at alle i NVE skal oppleva personleg og fagleg utvikling, trivast på arbeidsplassen og ha det godt på jobb i alle livsfasar. Vi ønskjer oss medarbeidarar med ulike erfaringar og perspektiv slik at me kan løysa oppgåvene våre på best mogleg måte.

Hos oss får du:

• gode arbeidstidsordningar som fleksitid, sommartid, betalt overtid og moglegheit til å trena i arbeidstida.
• moglegheit for avtale om delvis heimekontor når arbeidsoppgåvene dine gjer det mogleg.
• nødvendig tilrettelegging som bidreg til at du kan bli verande i jobben over tid.
• fordelane av fleksibel personalpolitikk som tek omsyn til at medarbeidarane våre er i ulike livsfasar.
• tilsetjing i stillingskode 1088 sjefsingeniør og løn i samsvar med NVEs lønnspolitikk. tilpassa kvalifikasjonane dine.

Viktig informasjon om søkjeprosessen

Legg ved digital kopi av vitnemål og attestar som dokumentasjon på kompetansen og erfaringa di. Du får ikkje søknadspapira dine tilbake.

I jobbportalen kan du kryssa av om du har funksjonsnedsetjing, hol i CV-en eller innvandrarbakgrunn. Det kan kvalifisera deg til positiv særbehandling: Minst éin søkjar i kvar avkryssing blir kalla inn til intervju. Avkryssinga dannar grunnlag for anonymisert statistikk som statlege verksemder må ha med i årsrapportane sine.

Du kan lesa meir om avkryssing og positiv særbehandling på Arbeidsgjevarportalen.

Søkjarliste i staten er offentlege. Om du ikkje vil stå på søkjarlista, må du grunngje det. Om du ikkje har gyldig grunn til å ikkje stå på lista, kontaktar me deg, og du får moglegheit til å trekkje søknaden din før lista blir offentleg. Lista inneheld namn, alder, stilling eller yrkestittel og bustad- eller arbeidskommune for kvar søkjar.

Det kan bli behov for ein utvida referansesjekk av søkjaren som får jobben. Det inneber ein dokument- og kjeldekontroll for å stadfesta at attestar og vitnemål er gyldige.