NVE søker natur- og miljøengasjert medarbeidar til arbeid med vassdragsforvaltning

NVE har eit viktig samfunnsoppdrag og skal mellom anna sikre ei samla og miljøvennleg forvaltning av vassdraga i Noreg. NVE lyser ut ei stilling som medarbeidar i energi- og konsesjonsavdelinga på seksjon for grunnvass- og vassdragskonsesjonar. Seksjonen har 13 faste stillingar, der fire er på hovudkontoret i Oslo og ni stillingar er fordelt på NVE sine regionkontor. Denne stillinga er plassert ved NVE sitt regionkontor i Førde.

Seksjonen har ansvar for konsesjonspliktvurdering etter vassressurslova. Vi behandlar også søknadar om inngrep i vassdrag, slik som til dømes uttak av grunnvatn, vassuttak til akvakultur og drikkevassforsyning, nedlegging av vassdragsanlegg mm. Seksjonen har også hovudansvaret for forvaltning av verna vassdrag. Vi er også sektormyndigheit etter vassforskrifta.

Vi er dagleg innom tema som naturmiljø, biologisk mangfald, hydrologi, landskap og friluftsliv, samfunnsnytte, lovverk og klima. Saman gjer vi dei gode avvegingane i skjeringspunktet mellom samfunnsnyttig bruk av vassdraga våre og ivaretaking av allmenne interesser.

Arbeidsoppgåver

• behandle søknadar om uttak av vatn til akvakultur, drikkevatn, grunnvasstiltak og nedlegging av vassdragsanlegg
• konsesjonspliktvurdering av vassdragsinngrep, inkludert mikro- og minikraftverk
• forvaltning av verna vassdrag
• bidra til NVE si oppfølging av vassdirektivet
• digitalisering
• jobben inneber noko reising, anslagsvis 15-25 døgn i året

Kvalifikasjonar

Krav:

• primært høgare utdanning med mastergrad frå universitet eller høgskule. Det er ein fordel med teknisk eller naturfagleg bakgrunn. Relevant arbeidserfaring kan kompensere for deler av utdanningskravet
• god skriftleg og munnleg framstillingsevne på norsk er ein føresetnad for stillinga
• normalt god fysikk til å ferdast i ulendt terreng i samband med synfaring
• førarkort klasse B
• gode kommunikasjons- og samarbeidsevner, både skriftleg og muntleg
• vi ser helst at du har relevant arbeidserfaring, men nyutdannede vil også bli vurdert

Ønskeleg/fordelaktig:

• kjennskap til akvakulturbransjen (i ferskvatn – settefisk)
• kjennskap til vasskraft og/eller energibransjen
• kjennskap til vassdirektivet og/eller EU-regelverk
• erfaring frå offentleg vassdragsforvaltning og grunnvatn
• god IKT-kunnskap og erfaring med relevante digitale verktøy
• kjennskap til Naturtypekartlegging (Natur i Norge)

Personlege egenskapar

Vi treng deg som:

• er initiativrik og engasjert
• har gjennomføringsevne
• klarer å vege ulike interesser mot kvarandre
• er samfunnsengasjert og har god rolleforståing

Det blir lagt stor vekt på om du er personleg eigna.

Vi tilbyr

Som medarbeidar i NVE blir du ein del av ein sterk kunnskapsorganisasjon med eit utstrekt tverrfagleg miljø. Vi er opptekne av at medarbeidarane våre skal ha rom for personleg utvikling, og gode moglegheiter for fagleg utvikling. Du vil få varierte og utfordrande oppgåver med innverknad på viktige samfunnsområde og ei stor kontaktflate.

Stillinga ligg innafor spennet for avdelingsingeniør /overingeniør /senioringeniør/førstekonsulent/rådgjevar/seniorrådgjevar (i stillingskode 1085/1087/1181/1408/1434/1364). Di årslønn vil vere i samsvar medNVE sin lønspolitikk, og bli justert etter dine kvalifikasjonar. Frå lønna blir det trekt pensjonsinnskot etter gjeldande reglar.

Vi veit at mange ønskjer seg ein hybrid og fleksibel arbeidskvardag med moglegheiter for å veksle mellom å jobba heimanfrå og møtast på kontoret. Det legg vi til rette for. Hos oss kan ein inngå avtale om delvis heimearbeid når arbeidsoppgåvene tilseier at det lèt seg gjere i samsvar med NVE sine gjeldande retningslinjer.

Vi meiner at inkludering og mangfald er ein styrke. Vi ønskjer medarbeidarar med ulike kompetanser, fagkombinasjonar, livserfaring og perspektiv for å bidra til endå betre oppgåveløysing. Vi vil legge til rette for medarbeidarar som har behov for det. Vi oppmodar søkjarar til å krysse av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkarportalen dannar grunnlag for anonymisert statistikk som alle statlege verksemder rapporterer i årsrapportane sine. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalla inn minst éin søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkarane oppfylle visse krav. Les meir om krava på statens sin arbeidsgjevarportal.

Kompetanse og erfaring må dokumenterast med CV, vitnemål og attestar. Vi ønskjer at du legg ved vitnemål og attestar elektronisk til søknaden. Søknadspapir blir ikkje returnerte.

Viss du ikkje ønskjer å stå på den offentlege søkjarlista, må du grunngi dette. Vi varslar deg viss vi ikkje tek ønsket ditt til følge. Du vil då få moglegheita til å trekke søknaden før offentleggjering.

Ved behov kan det bli gjennomført ein utvida referansesjekk av kandidat(ar) som blir innstilt. Dette inneber ein dokument- og kjeldekontroll for å stadfeste opphav og gyldigheit (m.a. av det som blir oppgitt i CV-ar eller dokument som blir vedlagde).