Dataingeniør og Sky-administrator

Arbeidsomtale

UNE vidareutviklar eigen infrastruktur meir og meir basert på skytenester og me vil styrkja teamet med ein skyadministrator.

Me søkjer etter ein engasjert medarbeidar som vil vera med å utvikla UNEs skyløysingar. UNE nyttar i hovudsak Microsoft tenester i eit hybridoppsett.

Stillinga ligg i Eining for teknologiforvaltning i Avdeling for teknologi og digital utvikling.

Eining for teknologiforvaltning har ansvar for sikring, overvaking, kapasitetsplanlegging og dagleg drift av UNEs IT-infrastruktur i tillegg til drift og brukarstøtte for UNEs applikasjonar.

Vi ønskjer at alle som jobbar i UNE, identifiserer seg med verdiane våre: pålitelegheit, openheit og respekt.

Arbeidsoppgåver

• Vidareutvikla UNEs skytenester
• Få etablert god overvaking av skyløysingane, og fanga opp tryggingshendingar med tilhøyrande analyse og korrigerande tiltak.
• Nokre av verktøya me bruker er: TimeXtender, Logic Apps, Web Apps, Power Apps
• Administrasjon av databasar (SQL Server)
• Datavask, uttrekk og data prepp til datavareusløysinga
• Stillinga vil jobba tett saman med UNEs tryggingsmiljø.

Kvalifikasjonskrav

Du må ha:

• høgare utdanning på minimum bachelornivå. Relevant arbeidserfaring kan kompensera for eventuell manglande formell utdanning.
• erfaring med oppsett, forvaltning og drift av Microsoft skyløysingar og produkt (O365, SharePoint, Teams, Intune, 365 Defender mm)
• erfaring som DBA/Data ingeniør
• praktisk erfaring med scripting, SQL og Powershell
• erfaring med on-prem teknologi og hybridoppsett
• ønskeleg med sertifiseringar innanfor Azure

Forutsetning for tilsetjing er at søkjaren har gyldig tryggleiksklarering på nasjonalt nivå «HEMMELEG». Les meir om tryggleiksklarering på NSMs nettsider.

Personlege eigenskapar

• Du ser forbetringsområde og tek initiativ
• Du forbetrar og utviklar kompetansen din og held deg oppdatert på kva for nokre nye teknologiar og løysingar som er på veg
• Du er nysgjerrig og stiller spørsmål, set deg i situasjonen for brukaren, utfordrar det etablerte og lærer av feil
• Du har evne til å jobba sjølvstendig og byggja og delta i smidige team
• Du har god norsk munnleg og skriftleg framstillingsevne

Personlege kvalifikasjonar vil bli vektlagt.

Vi tilbyr

• Jobb i ein etat som har eit viktig samfunnsoppdrag
• Interessante og varierte arbeidsoppgåver
• Gode moglegheiter for fagleg utvikling
• Godt tilrettelagt arbeidsmiljø i lokaler sentralt i Oslo
• Moglegheit for fleksibel arbeidsstad hvis du bor utanfor Oslo. UNE er open for å vurdere å rekruttera spesielt kvalifiserte kandidatar som bur utanfor dagpendlaravstand til Oslo. Me vil i så fall prøva å finna eit kontorfellesskap du kan dela med anna offentleg verksemd i nærleiken av der du bur, slik at du derfrå kan jobba for UNE desentralisert. Det vil også vera mogleg å jobba noko heimanfrå. Reise til Oslo må likevel påreknast ved behov.
• Fleksitid og andre statlege velferdsordningar
• Moglegheit for trening i arbeidstida
• Gode låne-, pensjons- og forsikringsordningar gjennom Statens pensjonskasse
• Lønnsvilkår: Stillinga er lønt som rådgivar eller seniorrådgivar, kr. 550 000–900 000, avhengig av kvalifikasjonar. For særleg godt kvalifiserte søkjarar kan vi vurdere høgare lønn. Frå lønna blir det trekt 2 % innskot til Statens pensjonskasse og kr 400 til OU-midlar

Generell informasjon

UNE meiner at inkludering og mangfald er ein styrke. Vi treng medarbeidarar med ulik kompetanse, bakgrunn og erfaring for å bidra til endå betre oppgåveløysing. Vi oppmodar derfor alle kvalifiserte kandidatar til å søkje på stillingane våre. Vi legg vekt på å leggje arbeidsforholda til rette for alle medarbeidarane våre. Vi oppmodar søkjarar med nedsett funksjonsevne, hol i CV-en eller innvandrarbakgrunn til å krysse av i rekrutteringsportalen vår. Avkryssingane i rekrutteringsportalen dannar grunnlag for anonymisert statistikk som alle statlege verksemder rapporterer i årsrapportane sine.

I samsvar med offentleglova kan namnet til søkjaren bli offentleggjorde sjølv om søkjaren har bede om ikkje å bli oppført på søkjarlista. Søkjarane blir i så fall varsla.

Søkjarar som er borgarar av land som ikkje er medlemmer av EØS, blir bedne om å samtykke til innsyn i eiga utlendingssak dersom dei blir kalla inn til intervju.

Kontaktperson

• Einingsleiar Christian Rosenvinge, tlf. +47 901 16 826
• Seniorrådgivar Roger Lima, tlf. +47 970 42 566

Søk stillinga

Send søknad via Jobbnorge, som er administrasjonssystemet vi bruker i samband med rekruttering.

Vitnemål, karakterutskrifter og attestar må leggjast ved saman med søknaden innan søknadsfristen. Bruk gjerne vitnemålsportalen: https://www.vitnemalsportalen.no/