Automatiker/ Elektriker

Gjennom teknologi vil me revolusjonere næringa, og korleis me produserer berekraftig sjømat for vår- og framtidas generasjonar. For å få det til treng me dyktige kollegaer med på laget.

Eide-gruppa er ei tredje generasjons familieeigd verksemd. Me har ein visjon om å setje standarden for framtidas havbruk, og har fleire satsingar der berekraft og teknologi står i fokus. Våre største satsingar hittil er på trappene. I tida framover kjem me til å ta i bruk ny teknologi og skape endring både i verksemda og næringa me er ein del av. Saman skal me realisere draumen om å drive oppdrett på ein måte der ein beskyttar laksen frå lakselus, samlar opp slam og har ekstra barriere mot rømming.

Om stillinga

Som Automatikar/Elektrikar i Eide Fjordbruk vil du arbeide med eit bredt spekter av oppgåver innan automasjon og elektro. Du vil delta i innovative prosjekt, og bidra til å sikre god drift av verksemdas tekniske anlegg. Stillinga rapporterer til leiar for automasjon og elektro. Saman skal me sette standarden for framtidas havbruk.

Arbeidsoppgåver inkluderer:

• Oppfølging og vedlikehald av teknisk anlegg i WaterMoon og Eide Fjordbruk
• Delta i utvikling, test og installasjon av nye teknologiar
• Planlegging og gjennomføring av varierte og fagleg utfordrande prosjektoppgåver
• Oppfølging av eksterne servicepartnarar
• Utarbeide dokumentasjon/prosedyrar
• HMS og forbetringsarbeid
• Støtte driftsorganisasjonen med din fagkompetanse

Arbeidsstad

Hovudaktivitet vil bli ved våre lokalitetar i Hardangerregionen, men noko reiseaktivitet til andre anlegg og lokalitetar i konsernet må påreknast i stillinga. I tillegg til arbeid ved anlegga vil du òg ha disponibel arbeidsplass både i Bergen og i Eidestøa i Hålandsdalen ved behov.

Ynskte kvalifikasjonar

Me ser etter deg som har fagbrev innan automasjon/elektro, men gjerne òg deg som har teknisk fagskule eller ingeniørutdanning i tillegg.

I tillegg er det ein fordel, men ikkje krav med erfaring innan ein eller fleire av desse områda:

• Havbruk, industri eller maritim næring
• PLS, HMI/Scada løysingar
• IT og nettverk
• Kamera og sensorteknologi
• Prosjektdeltaking

Personlege eigenskapar

• For å lykkast i rolla er det viktig at du:
• Er strukturert, sjølvstendig og ansvarsfull
• Har god gjennomføringsevne
• Har gode kommunikasjons- og samarbeidsegenskaper
• Er engasjert og kreativ
• Er innovativ og framoverlent
• Har god prosess/systemforståing

Me tilbyr

Hos oss vil du arbeide med høgteknologi innan havbruk, og ditt fagfelt vil vere heilt sentral for verksemdas framtidige suksess. I Eide kjem du inn i ei verksemd som vil og får til. Me tør å satse, både på visjonar og på folk.

Me har eit motto: «Det viktigaste er å ha det gøy». Me har eit veldig godt arbeidsmiljø der du får faglege utfordringar og kjem til å ha det kjekt på jobb. I rolla vil du bli kjent med kollegaer i alle våre regionar.

Din kompetanse og ditt bidrag vil vere veldig viktig for verksemdas framtidige vekst og drift. Du vil også vere med på å skape ei meir berekraftig framtid.

Me har fokus på mål og gjennomføring, og kan tilby fleksibel arbeidstid i ein fast 100 % stilling. I tillegg har me gode forsikringar og pensjonsordning.

Søknadsinformasjon

Me ynskjer deg velkommen til å sende inn søknad, cv, og relevante dokumenter. I tillegg oppfordrar me deg til å sende inn ein kort video der du fortel:

• Kort om deg og din bakgrunn
• Motivasjonen din for rolla
• Kva dine styrker er inn i rolla

Om du har spørsmål knytt til stillinga eller rekrutteringsprosessen, ta gjerne kontakt med HR-ansvarleg Lena Bekken: lena.bekken@efb.no tlf. 913 16 623

For meir informasjon om selskapet, sjå på våre nettsider: www.efb.no