Automasjonsingeniør

Som automasjonsingeniør hos oss vil du jobbe med prosjektering av automasjonsanlegg i alle planfasar, og dessutan noko oppfølging i byggjetid. Du vil bidra i prosesskildringar og i utvikling av kvalitetssystemet innan ditt fagfelt og du vil ha gode høve til å påverke satsinga vår på digitalisering og bruk av ny teknologi.

Arbeidet inneber rådgiving, testing og kvalitetssikring i samsvar med gjeldande handbøker, normer og forskrifter. Mykje av arbeidet går føre seg i samarbeid med andre og du vil delta i nettverk og prosjektgrupper, og dessutan følgje opp eksterne rådgivarar.

Vi jobbar mykje digitalt, men du må og rekne med noko reiseaktivitet.

Stillinga blir fortrinnsvis lokalisert i Bodø eller Leikanger, men andre kontorstader kan diskuteras.

Fagressurs elektro er ein del av fagressursavdelinga i divisjon Drift og Vedlikehold. Vi er landsdekkjande med 19 medarbeidarar fordelte på 9 lokasjonar. Fagområda våre er prosjektering av Elkraft, Automasjon og Ekom anlegg. Vi har og forvaltningsansvar for elektroprosessane, radio, DAB og nødnett i kvalitetssystemet.

Les meir om Kvifor jobbe i Statens vegvesen? | Statens vegvesen.

Kompetansekrav

Vi ser etter deg som har relevant utdanning frå universitet eller høgskule, min. 3 år. Omfattande og relevant erfaring frå automasjon/Ekom kan kompensere for manglande formell utdanning.

Du må ha førarkort kl. B og vere god til å formulere deg skriftleg og muntleg på norsk.

Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).

Vi legg vekt på at du har:

• interesse for ny teknologi
• fagbrev automasjon
• BIM/3D modellering

Personlege eigenskapar vil bli vektlagt, og mellom anna er gode samarbeidsevner viktig.

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Krav til søknaden

Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Positiv særbehandling

Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Kontakt leiar Fredrik Askjer, tlf. +47 908 69 140.